الحلويات:
اكثر ما احبه في تركيا المحلبيه(pudding) المهلبية وبالتركي Tavuk Gogsu عجيبه لازم تجربونها
البقلاوه طعمها غييييييييير عن اللي يجينا من الشام وايد ألذ (اصليه)
نوع من الحلويات Günaydın'ın Etli Pidesi
والفلافل اللي في جوكشدرا (مدينه في ترمال)
هذي صوره من النت لان اللي فتركيا ما فكرت مره اصوره
اسكندر كباب اللي في بورصه اسئل التكسي او اي شخص تركي بيدلك عليه بالتركي(ايسكندر كيباب)أكله ما تتفوت
خبز تقليدي عليه لحم مع صوص طماط خاص يقدم مع روب
الفاكهه بشكل عام لذيذه واللي يلحق على موسم الخوخ يكون محظوووظ جدا
جربوا البندق الطازج اللي يبيعونه فالعباره او الفيري
و حلو انكم تشترون الفاكهه والعسل من المزارع اللي عالطريق
الشوارما اللي في حديقة الملاهي اللي بورصه لونا بارك
على طاري بورصه ضروري تجربون المطعم اللي على جبل اولاداغ يخليك تشوي بنفسك
1- تمتع بالمناظر على التلفريك 2- اشترلك شوية فاكهه وتفاح بالسكر قبل لا تصعدللمطعم 3-تمتع بالشوي
والاسكريم اللي يتمطمط مافي مثله عجييييييييييب
موجود في الحدايق وفي سوق الحرير واماكن ثانيه بعد
وانصح الجميع بتجربة المطاعم المحلية والابتعاد عن الوجبات السريعه برجر كينج وماكدونالز وهالسوالف
واسئلوا الاتراك عن احسن المطاعم اكيد عندهم خبره اكثر او روحوا المطعم اللي عنده زحمه
اما بالنسبة للسوبرماركت و كارفور
افضل المنتجات عندي
البسكوت الذيذ مقرمش ومحشي بالشكولاته في نكهات اخرى بالقهوه والليمون
لمحبي نكة الجبن بسكوت اعواد مقرمشه بنكهة الجبن
لمحبي الرشاقه بسكوت لذيذ ويشبع انا جبت كرتون منه معاي من تركيا
العلوك (العلكه) العلوووج ما اذكر ماركه معينه بس كل ما اشتري علوج الاقيه طري غير عن النوعيات اللي عندنا
جازووز افضل من السبرايت والسفن اب شبيهه فيهم جربوها عالطاير
في سحلب باكيتات ما اذكر اي نوع كنت اشرب بس جربوا اي نوع تلاقونه متوفر او اسئلوا اي عجوز تركيه
حلاوه تقليديه للهدايا لذيذ وخفيف
0 التعليقات:
إرسال تعليق